"Чучунаа" – фентези киллэһиктээх кэмиэдьийэ

“Чучунаа” – дьиэ кэргэн мүччүргэннээх сырыыларыгар олоҕурар фентези киллэһиктээх кэмиэдьийэ. Сюжекка тыаны таҥастааччы эргиэмсик, дьиэ кэргэнин арахсыы суолуттан быыһыы сатаан, дьонун түҥ тыаҕа таһаартыыр. Үһүйээннэргэ кэпсэнэр дьикти харамай кыттыыллаах массыына саахалыгар түбэһэн, бэйэтэ устунан тайҕа араҥаччылааччыта буолан барар.

Режиссер Виталий Щукин этэринэн, кини устубут киинэтэ дьиэ кэргэн, экология, киһи хаһан баҕарар уларыйар кыахтааҕын, айылҕа уонна бизнес сокуоннара ардыгар харсыһалларын туһунан кэпсиир.

Бырайыакка күүстээх хамаанда үлэлээбит: сценарист Алексей Собакин, оператор-постановщик Евгений Желнин, уот-күөс худуоһунньуга Роман Колодезников, иккис режиссёр Лена Баланова, художник-постановщик Саргылана Скрябина, дизайнер Феоктист Алексеев, сүрүн дьоруой көстүүмүн Айаал Федоров (Just Ayaal) оҥорбут.

Киинэ улахан экраннарга эһиил тахсыахтаах.