"Чкрк", "Бүт эрэ", "Ыччуу"

Төрөппүттэр кэлиҥҥи кэмҥэ үөрэх тээбиринин барытын кэриэтэ интэриниэтинэн сакаастаан атыылаһар буоллулар - оннук сыаната да хас да бүк чэпчэки, ассортимена да туох да уратыта суох. Онон оскуола дьаарбаҥкатыгар сыл аайы атыыһыт да, атыылаһааччы да аҕыйаан иһэр.

Быйыл арай олохтоох табаар баар буолбут - сахалыы суруктаах тэтэрээттэр. 

Ол эрээри суруктара дьикти - "Чкрк", "Бүт эрэ", "Ыччуу", о.д.а. Оҥорон таһаарааччылар маннык гынан оҕо үөрэххэ интэриэһин тардарга соруммуттара дуу?

Саха тылын уратытын - уһунун эмиэ көрдөрөргө холоммуттар:

Ураты, бэйэ гиэнэ буола сатаан баран биир да сахалыы остуоруйа, өс хоһоонун, олоҥхо дьоруойдара ойуулаах, суруктаах тэтэрээт көстүбэт. Барыта хал буолбут аниме, лабубу, человек-паук, Гарри Поттер, ыт, куоска арааһа. Урбаанньыттар толкуйдуохтарын сөп эбит...