Чеккитин бөххө быраҕымаҥ

Тус дааннайдаах докумуоннары суох оҥорбокко эрэ бөххө быраҕыы олус кутталлаах, диэн юрист уонна Москваҕа уонна Москва уобалаһыгар быраабы араҥаччылыыр киин салайааччыта Александр Хаминскай сэрэттэ.

Эксперт этэринэн, түөкүттэр квитанциялары уонна докумуоннары туһанан харчыны уоруохтарын, кирэдьиит ылыахтарын, сантаастыахтарын эбэтэр фишинг оҥоруохтарын сөп. Кинилэр интэриэстэрин ордук араас счет выпискалара, каасса квитанциялара, сыаналаах атыылаһыы дуогабардара, урукку баан каарталара тардаллар.

“Пааспар, ИНН, СНИЛС баар докумуоннарын суох оҥоруохха наада, тоҕо диэтэххэ бу иһитиннэриини кинилэр кирэдьиит уонна микрокирэдьиит ыларга, ону тэҥэ судаарыстыбаннай өҥөлөргө киирэргэ туһаныахтарын сөп. Уопсайынан, маннык докумуоннары ыһан-тоҕон кэбиһэр эбэтэр кинилэргэ баар иһитиннэриилэри ылар кыаллыбат гына суох оҥорор ордук”, - диэн Хаминскай тоһоҕолоон бэлиэтээтэ.