"Чөҥөчөктөрө суох куорат" аахсыйа эрдэтээҥҥи түмүгүн биллэрдилэр

Ол курдук, 1 миэстэҕэ 244 чөҥөчөгү түөрбүт Центральнай уокурук иһэр,  2 миэстэ - 166 чөҥөҥөктөөх Сайсары; 3 миэстэ - 129 чөҥөҥөгү түөрбүт Строительнай уокурук. 
Октябрьскай - 119, Автодорожнай уонна Гагаринскай - 101-дии, 
Промышленнай - 45, 
Губинскай 37 көрдөрүүлээхтэр.
Нэдиэлэ устата уопсайа  940 чеҥөчөк түөрүллүбүт.
Санатар буоллахха, ааспыт бэнидиэнньиккэ баһылык Дмитрий Садовников управалар ортолоругар «Чөҥөчөктөрө суох куорат» аахсыйаны биллэрэн турар.
Аахсыйа Куорат күнүн көрсө тиэргэннэри уонна тротуардары көннөрөргө ыытыллар. Оттон элбэх чөҥөчөгү туурбут, ол эбэтэр территорияларын, тротуардарын айаҥҥа-сырыыга табыгастаах гына оҥорбут управалары харчынан бириэмийэ күүтэр.
Кыайыылааҕы 2 мөл. солк. күүтэр, иккис, үһүс миэстэ иһин – 1,5 мөл. солк. Ону таһынан 100 устуука чөҥөчөгү туурбут бары управаларга эмиэ 1-дии мөл. солк. аныахтара. Бэриллибит харчыны управалар уокуруктарын тупсарыыга ыытыахтара.
Бэлиэтээн эттэххэ, 2023 сыллаахха суол өрөмүөнүгэр үлэлиир бэдэрээтчиттэри чөҥөчөктөрү туурар эбээһинэстээн тураллар. Бары билэрбит курдук, суолларбыт алдьанар биир сүрүн биричиинэлэринэн чөҥөчөк буолар.