Cаха сирэ – Дьоруойдар дойдулара

Санатар буоллахха, дойду баһылыга Владимир Путин анал байыаннай дьайыы кыттыылаахтара Арассыыйа саҥа элитата буолуохтаахтар диэн соругу туруорбутунан, «Cаха сирэ – Дьоруойдар дойдулара» бырагырааманы ааспыттар бары судаарыстыбаннай былаас, олохтоох бэйэни салайыныы уорганнарыгар, судаарыстыбаннай хампаанньаларга салайар дуоһунастарга ананыахтара. 714 чаас лекцияны истибиттэрэ, бэйэлэрэ толкуйдаабыт бырайыактарын көмүскээбиттэрэ, экспертэр салалталарынан практическай дьарыктары ааспыттара барыта инникитин дойду, өрөспүүбүлүкэ сайдыытыгар көмөлөһүөхтээх.

Ил Дархан Айсен Николаев эппитинэн, бу диплом – сүҥкэн эппиэтинэс уонна итэҕэл мандата. Оттон бастакы выпускниктар ортолоругар Арассыыйа Дьоруойа Андрей Григорьев-Тута, Михаил Ан, Октябрина Максимова, Яков Александров, Эдуард Филиппов о.д.а. бааллар.

Санатар буоллахха, «Саха сирэ – дьоруойдар дойдулара» регион таһымнаах бырайыак дойду баһылыга Владимир Путин көҕүлээбит «Дьоруойдар кэмнэрэ» федеральнай бырагыраама иһинэн  үлэлиир. Иккис поток сыл иккис аҥаарыгар арыллара былааннанар.

Бу күн Ил Дархан анал байыаннай дьайыыга дойдубут аатын чиэстээхтик көмүскээбит алта буойуҥҥа Арассыыйа таһымнаах судаарыстыбаннай наҕараадалары туттарда – Петр Мухиҥҥа, Василий Местниковка, Василий Егоровка, Юрий Боярскайга, Василий Спиридоновка уонна Иннокентий Спиридоновка.