Быйылгы БКЭ бааллара билиннилэр

Арассыыйа оскуолаларын оҕолоро 2026 сылга аттестат ыларга Биир кэлим судаарыстыбаннай эксээмэни (БКЭ) суруйарга нуучча тылыгар кырата 24 баалы ылыахтарын наада, орто (үс баал) математика базовай таһыма, ону таһынан атын биридимиэттэргэ алын бааллар бигэргэтилиннилэр.

Докумуоҥҥа тирэҕирэн, физикаҕа, химияҕа уонна биологияҕа 36 баалы ылыахха наада, математикаҕа профильнай таһым – 27 баал, информатика – 40 баал, история – 32 баал, география – 37 баал, обществознание — 42 баал, литература — 32 баал уонна омук тылларыгар — 22 баал.

Биир кэлим эксээмэннэр бэс ыйын 1 күнүгэр история, литература уонна химия биридимиэттэриттэн саҕаланаллар. Бэс ыйын 4 күнүгэр – нуучча тылыгар; бэс ыйын 8 күнүгэр – математикаҕа базовай уонна профильнай таһымҥа; бэс ыйын 11 күнүгэр – обществознаниеҕа уонна физикаҕа; бэс ыйын 15 күнүгэр –  биологияҕа, географияҕа уонна омук тылларыгар (суругунан чааһа). Бэс ыйын 18 уонна 19  омук тылларыгар (тылынан үлэ) уонна информатикаҕа эксээмэннэри былааннаатылар.