Быйыл ханнык саҥа киинэлэр тахсалларый?

Ол курдук, сыл саҕаланыаҕыттан түөрт киинэ таҕыста: «Күүлэй» (12+) (каассаҕа 26,6 мөл. солк. хомуйбут, 57 981 көрөөччү), «Граница» (12+) (1,4 мөл. солк., 3 437 көрөөччү), «Мэхээлэчээн булчут» (12+) (18,8 мөл. солк., 44 853 көрөөччү) уонна «Золото Тойон бая» (12+) (4,5 мөл. солк., 8 192 көрөөччү).

Санатар буоллахха, 2025 сылга саха киинэтэ 280 мөл. солк. дохуот киллэрэн, рекорд олохтообута. Култуура сылынан биллэриллибит 2026 сылга «Сахафильм» өйөбүлүнэн тоҕус уус-уран киинэ уонна биир документальнай киинэ тахсыахтара. Саамай күүтүүлээхтэринэн – «Хаар кынат» (12+) фантастическай эпос, «Саҥа Боотур» диэн супергерой блокбастера (12+), Сандал Баишев «Навсегда вместе» диэн иккис киинэтэ (12+), «Бүгүн-Былыр 3» диэн бириэмэ айанын трилогиятын финала (12+) буолаллар.

Бу туһунан бырабыыталыстыба пресс-сулууспата иһитиннэрэр.