Бырабыыталыстыба биэнсийэни ааҕыы бэрээдэгин уларытта

Бу туһунан бырабыыталыстыба докумуонугар этиллэр. Баҕа өттүнэн этэрээттэргэ үлэлээһин кэмэ биэнсийэ ыстааһыгар билигин эмиэ киллэриллиэҕэ.

Бойобуой дьайыыга баҕа өттүнэн быһаччы кыттыбыт буоллаҕына, хас биирдии оннук күнү үс күнүнэн ааҕыахтара. Эмиэ биир күнү үс күнүнэн ааҕыахтара бойобуой дьайыыга кытта сылдьан госпитальга бааһырыы, контузия, эчэйии эбэтэр ыарыы кэнниттэн эмтэммит кэми. Баҕа өттүнэн этэрээккэ сулууспа биир күнүн икки күнүнэн ааҕыахтара, өскөтүн терроризмы утары охсуһуу (КТО) эрэсиимэ киирбит кэмигэр сулууспалыыр түгэнигэр. Манна КТО эрэсиимин киллэрии кэмиттэн саҕалаан, олоччу уурайыар диэри ааҕыллыа.

Бырабыыталыстыба ону таһынан байыаннай борокуруордарга быраабылалары чуолкайдаата, диэн РИА Сонуннара суруйар. Кинилэр мобилизацияланан эбэтэр мобилизация кэмигэр байыаннай хантараак түһэрсэн борокуратуураҕа сулууспаларын хаалларбыт кэмнэрэ ааҕыллыа. Ону тэҥэ борокуруор аармыйа эбэтэр Росгвардия сорудахтарын толоро баҕа өттүнэн барбыт кэмнэрэ учуоттаныахтара.