11.03.2022 | 13:00

Бырабыыталыстыба 2021 сыллааҕы түмүк отчуота ыытылынна

Бырабыыталыстыба 2021 сыллааҕы түмүк отчуота ыытылынна
Ааптар: Киин Куорат

Киин куоракка 2022 сылга Өлүөнэ өрүс кытылын бырайыагын оҥоруута уонна куорат кытыытыгар биэрэги бөҕөргөтүү саҕаланар. Итини сэргэ, куорат кытыытынааҕы маршруттарга сылдьар оптуобус паарката саҥардыллар. Бу туһунан Дьокуускай куоракка ыытыллыбыт түмүк отчуокка СӨ Бырабыыталыстыбатын Бэрэссэдээтэлэ  Андрей Тарасенко иһитиннэрдэ. Видеосибээһинэн отчуокка куорат киинин уонна кытыытын олохтоохторо кыттыыны ыллылар. 
«Дьокуускай – дойду саамай улахан регионын киин куората, манна өрөспүүбүлүкэбит нэһилиэнньэтин үс гыммыт биириттэн тахса киһи олорор уонна үлэлиир. Киин куорат итиннэ сөп түбэһиэхтээх. Саха сирин баһылыга бырабыыталыстыба уонна куорат салалтатын иннигэр Дьокуускайы тупсарар, ирбэт тоҥҥо тутуллубут бастыҥ куоратынан оҥорор соругу туруорда», –диэтэ Андрей Тарасенко.
Санатар буоллахха, 2021 сылга Саха сирин Баһылыга Айсен Николаев Дьокуускай куорат 2032 сылга диэри сайдыытын туһунан ыйаахха илии баттаабыта. Ыйаах уон сыл иһигэр киин куорат сайдыытын сүрүн хайысхаларын чопчулуур. Ити иһигэр – бары өттүнэн табыгастаах куорат эйгэтин тэрийии, инфраструктура хаачыстыбатын үрдэтии, уопсастыбаннай тырааныспар систиэмэтин куттала суох уонна тоҕоостоох оҥоруу, куорат нэһилиэнньэтин олоҕун уйгутун үрдэтэр усулуобуйаны тэрийии. 
2022 сылга өрөспүүбүлүкэҕэ уопсастыбаннай тырааныспар бүтүннүү саҥардыллар. Саха АССР 100 сылын көрсө 100 оптуобус атыылаһылынна, онтон сороҕо номнуо кэллэ. Хаалбыта муус устар 10 күнүгэр диэри кэлиэхтээх. Саҥа оптуобустар муниципальнай тэриллиилэр икки ардыларыгар уонна Саха сирин соҕуруу өттүнээҕи оройуоннарыгар сылдьыахтара. 
2022-2024 сылларга Дьокуускайга 105 км тахса уулусса-суол ситимэ саҥардыллыахтаах, ол иһигэр «Куттала суох, хаачыстыбалаах суоллар» национальнай бырайыак чэрчитинэн. Былырыын 48 км кэриҥэ суол өрөмүөннэммитэ. Билиҥҥи туругунан киин куоракка Ленин проспегын хапытаалынай өрөмүөнүн бастакы түһүмэҕэ салҕанар. Кулаковскай уулуссатыттан Орджоникидзе болуоссатыгар диэри учаастак хапытаалынай өрөмүөнэ быйыл алтынньы ый бүтүөр диэри түмүктэнэрэ былааннанар. 
2023 сылга диэри куорат уокуругун ууттан харыстыыр инженернэй тутуутун бырайыага бэлэм буолуохтаах (Табаҕаттан Тулагы сэлиэнньэтигэр диэри). «Ленгипроречтранс» тэрилтэни кытта судаарыстыбаннай хантыраак түһэрсиллибит. Инженернэй үлэҕэ федеральнай бүддьүөттэн эбии үп көрүллэрэ ирдэнэр, өрөспүүбүлүкэ өттүттэн сайаапка барыахтаах.  
Быйыл эпидемиологическай быһыыны-майгыны учуоттаан бырабыыталыстыба отчуота онлайн-форматынан ыытылынна. Телевидениенан быһа эфир уонна видеосибээс нөҥүө өрөспүүбүлүкэ үрдүнэн 14 тыһыынчаттан тахса киһи кытынна. 
Туһааннаах биэдэмистибэлэр салайааччылара уонна куорат салалтата хас биирдии ыйытыкка толору хоруйдаатылар. Сорох ыйытыктарынан Андрей Тарасенко чопчу болдьохтоон миниистирдэргэ сорудах биэрдэ.

Сонуннар

Ордук ааҕаллар

Оҕуруот аһын олордооччуларга саҥа субсидия көрүллүөҕэ
Сонуннар | 18.05.2022 | 15:00
Оҕуруот аһын олордооччуларга саҥа субсидия көрүллүөҕэ
«Развитие овощеводства и картофелеводства» саҥа федеральнай бырайыак чэрчитинэн субсидия бэриллэр буолуоҕа. Манан дьоҕус уонна орто предпринимателлэр, маны сэргэ, “самозанятайдар” уонна кэтэх хаһаайыстыбалаах дьон эмиэ туһаныахтарын сөп. Ол курдук, судаарыстыба хортуоппуйу уонна да атын оҕуруот аһын олордуунан дьарыктанар оҥорон таһаарааччылары өйүүр миэрэлэри кэҥэтиэҕэ. Бу туһунан уураахха Арассыыйа бырабыыталыстыбатын бэрэссэдээтэлэ Михаил Мишустин...
Ньургуһуну эмкэ туһаныы
Сынньалаңңа | 12.05.2022 | 12:30
Ньургуһуну эмкэ туһаныы
Тоҥ буору тобулан тахсар хорсун сибэкки ньургуһун барахсан олоххо тардыһыытынан, кэрэ көстүүтүнэн эрэ буолбакка, араас ыарыыны эмтиир кыахтааҕынан өбүгэ саҕаттан аатырар. Аныгы үйэ киһитэ ньургуһунан хайдах эмтэниэн сөбүй? Бу туһунан айылҕаттан айдарыылаах норуот эмчититтэн туоһуластыбыт. Юлия Юрьевна Николаева – норуот эмчитэ, “Арчы дьиэтин” иһинэн үлэлиир өбүгэ үгэһин, сиэрин-туомун дьоҥҥо тарҕатар,...
Тааттаҕа музей тэриллиитэ
Куорат олоҕо | 14.05.2022 | 15:00
Тааттаҕа музей тэриллиитэ
Кэлэр сэрэдэҕэ, ыам ыйын 18 күнүгэр, аан дойдуга Музей күнэ бэлиэтэнэр. Быйыл Таатта улууһугар кыраайы үөрэтэр музей тэриллибитэ 77 сыла.   Музей тэриллиитэ норуодунай худуоһунньук И.В. Попов аатын кытта ыкса ситимнээх. Дэгиттэр дьоҕурдаах, хас да экспедицияҕа сылдьыбыт (бастакы Сибиряковскай экспедиция 1894-96 сс.), баай матырыйаалы муспут буолан да буолуо, 1938 с. саҕалаан...
Сааскы Ньукуолун — күөххэ үктэнии өрөгөйө
Тускар туһан | 20.05.2022 | 14:00
Сааскы Ньукуолун — күөххэ үктэнии өрөгөйө
Ыам ыйын 22 күнэ – сааскы Ньукуолун. Кыһыҥҥы Ньукуолун ахсынньы 19 күнүгэр бэлиэтэнэр (День святого Николая Чудотворца) Таҥара дьиэтин  бырааһынньыга.   Саха дьонугар былыр-былыргыттан сааскы Ньукуолун күнэ олус ытыктанар, улахан суолталаах, күүтүүлээх. Бу күн уһун кыһыны этэҥҥэ туораан, күөххэ үктэнии үөрүүтэ-өрөгөйө буолар. Мөккүөрдээх соҕус да буоллар, бу күнү сорохтор өссө саха...