Бырааттыы Соколовтарга мемориальнай дуоска туруоруллуоҕа

Кулун тутар 10 күнүгэр буолбут баһылык тус приема бырааттыы Соколовтарга мемориальнай дуосканы туруорарга олук буолла.
Владимир С. куорат баһылыга Евгений Григорьев тус приемугар Хаҥалас (Орджоникидзевскай) оройуонун Еланка сэлиэнньэтиттэн Аҕа дойду Улуу сэриитигэр кыттыбыт биэс бииргэ төрөөбүт Соколовтарга мемориальнай дуосканы туруортарар этиилээх кэлбит.
Бырааттыы Соколовтар 1942-1945 сс. 122-миллиметровай гаубица биир артиллерийскай расчетугар сулууспалаан баран, бэһиэн тыыннаах эргиллибиттэрэ уһулуччу түгэн буолар. Евгений Григорьев Владимир С. этиитин өйөөн, Дьокуускайга Кыайыы Пааркатыгар артиллерия тиэхиньикэтин таһыгар мемориальнай дуосканы туруорарга быһаара, диэн Олохтоох дьаһалта пресс-сулууспата иһитиннэрэр. 
Санатар буоллахха, баһылык гражданнары кытта эрдэттэн суруйтарыынан көрсөр. Көрсүһүүгэ суруйтарарга Сурук отделыгар эбэтэр Олохтоох дьаһалта тэрилтэлэригэр сайабылыанньа суруйуохха наада. Сайабылыанньаҕа быһаартарыахтаах боппуруоһу сиһилии ыйар уонна инники өттүгэр атын инстанцияларынан туох быһаарыы ылыллыбытын сыһыарар наада. Маны сэргэ тус дааннайдары ыйар ирдэнэр: төлөпүөн нүөмэрэ, электроннай аадырыс.
Сайабылыанньаны ыытар ньымалар:
– yakutsk@sakha.ru Олохтоох дьаһалта официальнай электроннай почтатыгар;
– 40-80-76 төлөпүөнүнэн;
– Дьокуускай к., Ленин проспега, 15 аадырыска тиийэн;
– Сурук отделын аадырыһа: Дьокуускай к., Ленин проспега, 15, 113 кэб., үлэ күннэригэр сарсыарда 09:00 чаастан киэһэ 18:00 чааска диэри (эбиэккэ тохтобул – 13:00-14:00 чч.).