Бырааһынньыктарга балыыһалар хайдах үлэлииллэрий?
Учаастак терапевтара, оҕо уонна уопсай практика быраастара сарсыарда 9:00 чаастан 16.00 диэри, дьахтар консультациялара эмиэ бу графигынан үлэлииллэр. Бу чаастарга бырааһы дьиэҕэ ыҥырыахха эмиэ сөп. Бэрэбээскилэнэр уонна процедурнай хостор поликлиника бэйэтин графигынан үлэлиэхтэрэ. "122" нүөмэргэ эрийэн сөптөөх иһитиннэриини ылыахха сөп.
Суһал көмө ыларга сыһыаннаан эттэххэ, 1 №-дээх Өрөспүүбүлүкэтээҕи оҕо травпууна (Сэргэлээх шоссетын 4 км, Педиатрия киинэ) өрөбүлэ суох суукканы эргиччи үлэлиир. Төлөпүөн: 500-900.
1 №-дээх улахан дьон травпууна (Петр Алексеев уул., 64/1) эмиэ күнүстэри-түүннэри үлэлиир.
2 №-дээх травпуун (Михаил Николаев проспегын 6/1А) күн аайы сарсыарда 8.00 чаастан киэһэ 20.00 чааска диэри үлэлиир. (Төлөпүөн: +7 924 766 49 99).
Харах балыыһата (Свердлов уул., 17) күнүстэри-түүннэри суһал көмөнү оҥорор (500-707).
Суһал көмө куруук үлэлиир – стационарнай төлөпүөнтэн "03", мобильнай төлөпүөнтэн "103" эбэтэр "112" нүөмэргэ эрийиҥ.
Стоматологическай киин (Свердлов уулуссатын 3/2 дьиэтигэр) ыам ыйын 2 уонна 11 күннэригэр – сарсыарда 8:00 чаастан киэһэ 20:00 чааска диэри, ыам ыйын 1, 3, 9 уонна 10 күннэригэр үлэлиир (оҕо регистратурата 31-66-90, улахан дьоҥҥо 32-65-75 нүөмэргэ эрийэн билсиҥ, ону таһынан суһал линия 31-66-09).
Сонуннар
Ордук ааҕаллар
