Былыргы БУКУБААР барахсан

Бу үтүөлээх учуутал М.Е. Охлопкова уонна норуодунай суруйааччы Д.К. Сивцев-Суорун Омоллоон 1967 сыллаахха оҥорбут букубаардара Саха сирин үөрэҕириитин историятыгар биир бастыҥ кинигэнэн биллэр. Ону “Айар" кинигэ кыһата оруобуна уруккутун курдук, үүт-үкчү гына бэчээттээн таһаарбыт.

Бу үөрэх кинигэтэ 1972 сылтан саҕалаан XXI үйэ онус сылларыгар диэри хас да көлүөнэ маҥнайгы кылаас үөрэнээччилэригэр ааҕарга, суруйарга үөрэтэргэ олук буолбута. Бастакы тахсыбыт букубаарга ойуулары аатырбыт худуоһунньук А.Н. Осипов уруһуйдаабыт эбит. Үөрэх кинигэтэ 1972 с. Монреаллааҕы, 1975 с. Москватааҕы Аан дойдутааҕы кинигэ быыстапкаларыгар ситиһиилээхтик кыттыбыт, анал дипломунан наҕараадаламмыт.

Бу букубаарынан саха оҕото олус түргэнник, чэпчэкитик  ааҕа үөрэнэр этэ диэн бэлиэтииллэр.