Былаас уорганнарыгар туһаайан электроннай этиилэри ыытыы быраабылата уларыйда

2006 с. ыам ыйын 2 күнүнээҕи "О порядке рассмотрения обращений граждан Российской Федерации" федеральнай сокуоҥҥа киллэриллибит уларыйыылар бүгүҥҥүттэн, кулун тутар 30 күнүттэн, күүстэригэр киирэллэр. Киирбит уларыйыы тоһоҕолоон гражданнар этиилэрин электроннай көрүҥүнэн  ыыталларыгар сыһыаннаах. Ол курдук, гражданнар мантан инньэ былаас уорганнарыгар этиилэри электроннай почтанан ыыталлара тохтуур. Туһааннаах уоргаҥҥа кини официальнай сайтын нөҥүө тахсарга идентификациялааһыны уонна (эбэтэр) аутентификацияны ааһар ирдэнэр буолуо.
Инньэ гынан, https://yakutskcity.ru/ сайтка идентификациялыыр уонна аутентификациялыыр анал үлэни толорор ньыма киллэриллиэр диэри уокуруктааҕы дьаһалтаҕа электроннай туһаайыыны СӨ официальнай информационнай порталын нөҥүө: https://www.sakha.gov.ru/cabinet/statements/create ыытыахха сөп. Онно ЕСИА-ҕа авторизацияланан баран "Подать обращение" анал пуорманы толорон, ханна ыытаргытын ыйан, "Отдел по работе с обращениями граждан Городской округ "Город Якутск" диэни талан толоруллар.
Оттон Дьокуускай куорат уокуруктааҕы дьаһалтаҕа илиинэн суругу киллэрии ньыматыгар уларыйыы суох. Кумааҕыга суруллубуту Арассыыйа почтатынан, эбэтэр гражданин бэйэтэ, атын да киһинэн Ленин пр. 15-һэ, 1 этээс, 109 кэб. аадырыска тиксэриэн сөп.