«Буратино» киинэ бастакы күнэ 226 мөл. солк. киллэрдэ

Киинэ премьератын тохсунньу 1 күнүгэр туруорбуттара саҥа дьыллааҕы өрөбүллэри эрэ кытта ситимнээх буолбатах. Ол курдук, бу күн бэлиэ историческай түгэни — лоп курдук 50 сыл анараа өттүгэр, 1976 сыл тохсунньу 1 күнүгэр, аатырбыт Леонид Нечаев режиссердаах икки сиэрийэлээх «Приключения Буратино» сэбиэскэй киинэ аан бастаан тэлэбиидэнньэҕэ тахсыбыт күнүн кытта ситимнээх.

Саҥа киинэ режиссера Игорь Волошин классик суруйааччы Алексей Толстой «Золотой ключик, или Приключения Буратино» айымньытын аныгылыы «ааҕыыга» ыҥырар. Саҥа хартыына биир кэрэхсэбиллээҕинэн 1975 сыллааҕы аатырбыт саундтрек ааптара композитор Алексей Рыбников, Арассыыйа норуодунай артыыһа, төрөппүт уола эмиэ композитор Дмитрий Рыбниковы кытта саҥа киинэ музыкатыгар үлэлээбиттэрэ буолар. Оттон дьоруойдары Виталий Корниенко, Александр Яценко, Федор Бондарчук, Виктория Исакова, Александр Петров, Анастасия Талызина, Светлана Немоляева, о.д.а. оонньууллар.