Буойуннарбытын өйүүр миэрэ тохтообот

СВО кыттыылаахтарыгар комплекснай реабилитацияҕа бастатан туран медицинскэй өҥөлөрү ылыы уонна диспансеризация киирэр, маны доруобуйа харыстабылын тэрилтэлэрэ үһүс сылын ыыталлар. Социальнай реабилитация Үлэ уонна социальнай сайдыы министиэристибэтин бас билиитигэр баар анал кииннэрнэн оҥоһуллаллар. Маны сэргэ социокултуурунай реабилитация баар: СВО кыттыылаахтарын уопсастыбаҕа киллэрэргэ туһуламмыт дьаһаллар.

2025 сыллаахха 101 СВО кыттыылааҕа санаторийдарга эмтэммит, оттон 1089 кыттааччыга уонна кинилэр дьиэ кэргэттэригэр реабилитация өҥөтө оҥоһуллубута, ол иһигэр 232 буойун уонна 857 кини дьиэ кэргэнин чилиэнэ, олортон 372 – оҕо.

Былырыын СӨ дьарыктаах буолуу киинэ 288 СВО кыттыылааҕын уонна кинилэр дьиэ кэргэттэрин чилиэннэрин үлэ миэстэтинэн хааччыйбыта, өссө 77 киһи идэҕэ үөрэниигэ уонна хаттаан бэлэмнэниигэ ыытыллыбыта. Өрөспүүбүлүкэ тэрилтэлэригэр үлэҕэ киириигэ квота быһыллыбыта.