Бука бары – сүүрүүгэ!
Сыл аайы ыытыллар сүүрүүгэ оскуола үөрэнээччилэрэ, уопуттаах спортсменнар, сүүрүүнү таптааччылар, биэдэмистибэлэр уонна тэрилтэлэр салайааччылара, ону тэҥэ доруобуйаларыгар хааччахтаах кыттааччылар тахсыахтара.
Быйыл кыттааччылары хас да категорияҕа араарыахтара: уопуттаах спортсменнар, күүстээх быһыйдар – туспа, ону тэҥэ оскуола оҕолоро, дьахталлар уонна эр дьон, салайааччылар уонна доруобуйаларыгар хааччахтаах дьон – туспа.
Тэрээһин бырагыраамата:
- 09:00–11:30 – мустуу уонна бэлиэтэнии;
- 11:30 – үөрүүлээх аһыллыы сиэрэ-туома;
- 12:00 – кыттааччылар дистанцияларынан стартара.
Кыайыылаахтар уонна бириистээх миэстэлэргэ тиксибиттэр мэтээллэринэн, дипломнарынан уонна бириистэринэн наҕараадаланыахтара.
Сайаапкалары балаҕан ыйын 24 күнүгэр диэри Дьокуускай куорат Олохтоох дьаһалтатын Физическэй култуураҕа уонна спорка управлениетын sport_komitet@mail.ru электроннай почтатыгар эбэтэр 300-788 төлөпүөнүнэн ыытыахха сөп.
Сонуннар
Ордук ааҕаллар
