Бу “Саюри” оҕурсулара буолбатах, бэйэ киэнэ!
Сыл аайы дьиэтин иһин, тэлгэһэтин мэлдьи араас сибэккинэн симиир, кыс ортото сардаана сибэккитэ тыллар, аны туран, хайыы үйэ оҕурсу быһан сиэн эрэр.
“Быйыл сиэмэтин эрдэ ыспытым, олунньу 20 чыыһылатыгар; бу иннинэ кулун тутарга ыһаммын, Маай бырааһынньыктарыгар сиирим. Онон быйылгы оҕурсубун эрдэ ыһан, бу ый 14 күнүгэр бастакыбын быстым. Үһүс сылбын түннүккэ “F-1” “Балконнай” диэни олордобун. Помидордарым эмиэ эрдэлээтилэр, сибэккилээн эрэллэр, “Верлиока F-1” диэн суорт”, – диэн Анна Ивановна сүбэтин-аматын "Киин куорат" ааҕааччыларыгар тиэрдэр.
Анна Ивановна билигин ынахтара төрөөн, улахан түбүккэ сылдьар.