Бу өрөбүллэргэ Тааттаҕа көҥүл тустууга Тарскай бирииһэ ыытыллар

Көбүөр өрөспүүбүлүкэ оройуоннарын күүстээхтэрин быһаарыаҕа. Чемпионат өрөспүүбүлүкэҕэ көҥүл тустуу сайдыыта 70 сылыгар уонна Монреаллааҕы Олимпийскай оонньууларга саха тустууктара өрөгөйдөөбүттэрэ 50 сылыгар ананар. Оччолорго Павел Пинигин - кыһыл көмүс мэтээли, Роман Дмитриев уонна Александр Иванов үрүҥ көмүс мэтээллэри аҕалбыттара.

Бастакы күн, кулун тутар 28 күнүгэр, барыллаан киирсиилэр уонна полуфинал, оттон кулун тутар 29-гар мэтээл иһин хапсыһыылар буолуохтара.

Өрөспүүбүлүкэ күүстээх тустууктара 57, 61, 65, 70, 74, 79, 86, 92, 97 кг диэри уонна 125 кг ыйааһыҥҥа кимнээхтэрэ биллиэҕэ. 65 кг диэри ыйааһыҥҥа Вячеслав Карпов сырдык аатыгар анал бирииһи туруоруохтара.

Онон, тустууну таптаччылары кытаанах хапсыһыылар, күүрээннээх күрэстэр күүтэллэр.