Бу күн 75 сыллааҕыта Дьокуускайга -60C кыраадыс тымныы бэлиэтэммит
Бикипиэдьийэ суруйарынан, лоп курдук 75 сыллааҕыта, о.э. 1951 сыл тохсунньу 2 күнүгэр, Дьокуускайга -60C кыраадыс тымныы буола сылдьыбыт.
Ол эрээри Дьокуускай куоракка муҥутаан намыһах температура 1891 сыл олунньу 5 күнүгэр −64,4C кыраадыс диэн бэлиэтэммит.
Оттон тохсунньу ыйга халлаан температурата муҥутаан сылыйыыта былырыын, 2025 сылга, бэлиэтэммит: ортотунан -15-20 кыраадыс тымныы. Бу иннинээҕи рекорд 1944 сылынан биллэр: -21С.
Бүгүн, 2026 сыл тохсунньу 2 күнүгэр, күнүс халлаан температурата -25С буолара күүтүллэр. Бу быйылгы тохсунньу муҥутаан сылаас температурата буолара сабаҕаланар.
Санатар буоллахха, 1632 сыллаахха Туймаада хочотугар Өлүөнэ өрүс хаҥас кытылыгар ирбэт тоҥ үрдүгэр төрүттэммит, ыраахтааҕылаах Арассыыйаҕа тымныытын иһин эрэһээҥкилээх түрмэнэн аатырбыт Дьокуускай куорат 6 сылынан 400 сылын бэлиэтээри турар.
Сонуннар
Ордук ааҕаллар
