Босхо сылдьар, дьэллик (хаһаайына суох) эбэтэр сүппүт кыыллары учуоттуурга «РЕГАГРО ПОИСК ЖИВОТНОГО» мобильнай сыһыарыы көмөлөһүө

СӨ бэтэринэриийэҕэ управлениета нэһилиэнньэҕэ куттал суох буолуутун хааччыйар сыаллаах бу сыһыарыыны хайдах туһанары, босхо ыт баарын туһунан сайаапканы хайдах ыытары быһаарда. Төлөбүрэ суох туһаныллар «Поиск животного» сыһыарыыны RuStore (Android сыһыарыылар маҕаһыыннара) ким баҕарар туруорунуон сөп. Босхо сылдьар кыыл баарын биллэххэ, сыһыарыы көмөтүнэн сайаапкалаан, анал сулууспаларга туттарар кыах баар.

REGAGRO хампаанньа бөлөҕө – Арассыыйаҕа агропромышленнай комплекс сыыппара эйгэтигэр ырыынагын лидерэ. Дьиэ кыылын идентификациялааһыҥҥа маркировка тэрилин оҥорор бөдөҥ хампаанньа.

Сыһыарыы көмөтүнэн тугу гыныахха сөбүй?

— Көрүүтэ-истиитэ суох сылдьар кыыл ханна баарын, хастарын, дьүһүнүн-бодотун, сигилитин (киҥнээх, чычаас) ыйан туран, хаартыскаҕа түһэрэн, тутарга сайаапка ыытыахха сөп. Хойутуу сайаапкаҥ туолбутун-суоҕун электроннай почтаҕар биллэртэриэххин сөп.

— Сүппүт, муммут, эрдэ регистрацияламмыт кыылы микрочибын, бииркэтин нүөмэринэн «Все звери» национальнай база дааннайыттан хаһаайынын булуохха, оннооҕор электроннай бэтэринэриийэттэн каартатын көрүөххэ сөп.

— Дьиэ кыылын докумуона сүтэр түгэнигэр сыһыарыы нөҥүө докумуон электроннай барыйаанын туһаныахха сөп.

— Туттарбыт кыылбыт кэнники дьылҕатын, туппут кэмнэригэр киллэрбит дааннайдарынан, кэтээн көрүөххэ эмиэ сөп.