Босхо сир учаастактарын биэрии бастакы түһүмэҕэ олунньу 25-26 күннэригэр күүтүллэр

«Тус көрсүһүүлэргэ, социальнай ситимнэргэ даҕаны анал байыаннай дьайыы кыттыылаахтарыгар сир учаастагын биэрии туһунан үгүстүк ыйыталлар. Бастакы учаастактары Аҕа дойдуну көмүскээччи күнүн бэлиэтээһин иитинэн олунньу 25-26 күннэригэр түҥэтээри бэлэмниибит. Киллэмҥэ уона Табаҕаҕа биэриэхпит. Бүгүҥҥү күҥҥэ 1396 учаастак оҥоһуллан турар. Бастакы 100 байыаска уонна кинилэр дьиэ кэргэттэригэр ыҥырыылар ыытыллыбыттара. Учаастактары түҥэтии сэрэбиэй түмүгүнэн ыытыллыаҕа», – диэн суруйар Евгений Григорьев бэйэтин телеграм-ханаалыгар.
Баһылык итини сэргэ сэрэбиэйгэ кэлээччилэри пааспардарын эбэтэр дэбиэриннэстэрин умнубаттарыгар санатар.
Дьокуускай куоракка анал байыаннай дьайыы кыттыылаахтарыгар сир учаастактарын биэрии бастакы түһүмэҕэ ыытыллар аадырыһа: 
Октябрьскай уул., 20/1, 3 этээс, (каб. 303), «Сир сыһыаннаһыыларыгар агентство» МХТ
Бириэмэтэ: 09.00 – 12.00 чч. 
Анал байыаннай дьайыы кыттыылаахтарыгар сир учаастактарын биэрии туһунан сиһилии 40-80-46 билсиэххэ сөп. 
Санатар буоллахха, босхо сирдэри Дьокуускай куорат военкоматынан мобилизацияламмыт уонна Дьокуускай куоракка регистрациялаах дьоҥҥо аныыллар.