Босхо куруһуоктарга суруйтарар кэм чугаһаата

Ф.И. Авдеева аатынан Оҕо айымньытын дыбарыаһыгар оҕону араас хайысханан сайыннарыахха сөп:

- Сыанаҕа тахсыан, кэнсиэртэргэ, куонкурустарга кыттыан, бэйэтин көрдөрүөн, артыыстыан баҕалаахтарга – үҥкүү, ырыа, тыйаатыр, инструменнарга оонньуур кэллэктииптэр бааллар.

- Аныгы технологиялары баһылыан, бэйэлэрэ бырыайыак оҥоруон баҕалаахтарга – робототехника уонна программирование. Бу хайысха миэстэлэрэ былдьаһыктар, баҕалаах сыллата олус элбэх буолар.

- Айар үлэнэн дьарыктаныан, илиилэринэн айыан-тутуон баҕалаахтарга – айар студиялар, мастарыскыайдар бааллар. Уруһуйдуурга, декоративнай-прикладной искусствоҕа, видеомонтажтааһыҥҥа үөрэтэллэр. Оҕолор дьоҕус моторикалара сайдар. Быыстапкаларга уонна араас айар үлэ бырайыактарыгар кытталлар.

- Өй-мэйии эрчийэр куруһуоктар – саахымат, дуобат, логика, оскуолаҕа бэлэмнэнии. Төрөппүттэр бу куруһуоктары оҕо өй-санаа өттүнэн сайдыытыгар көмөлөһөр, кыра саастаах оҕолорго болҕомтолоох буолууну, дьиссипилиинэни эрчийэр диэн хайҕыыллар.

- Естественнэй наукалар хайысхаларынан – химия, биология, “тыыннаах муннук” бааллар. Оҕолор кыыллары, үүнээйини көрөллөр-истэллэр. “Тыыннаах муннук” оҕолору айылҕаҕа харыстабыллаах сыһыаҥҥа иитэр.  

- Омук тылын куруһуоктара – атын дойдулар култуураларын уонна тылларын үөрэтэллэр. Инникитин оҕо идэни таларыгар көмөлөөх буолар.

2026-2027 сылга туох уларыйыы киирэрий

Оҕо айымньытын дыбарыаһыгар быйылгыттан Медиакиини сайыннарар былааннаахтар. Оҕолор суруналыыстыканан дьарыктаныахтара, телевидение ыытааччытын, операторын быһыытынан үлэлиэхтэрэ. Ону тэҥэ хаартысканан уонна подкастары устуунан дьарыктаныахтара. Үөрэтэр бырагыраамаҕа тиэкиһи суруйуу, хаартыска, видео уонна аудио устуу киирбит. Биллэн турар, араас бырайыактарга, куонкурустарга уонна тэрээһиннэргэ кытыннараллар.

Дыбарыас куруһуоктарыгар оҕону 5 сааһыттан суруттарыахха сөп.

Үөрэнии төлөбүрэ суох.

Босхо куруһуоктарга суруттарыы атырдьах ыйын 26 күнүттэн саҕаланар. Барыта АИС «Навигатор дополнительного образования детей Якутии» диэнинэн «Госуслуги» нөҥүө барар.

Эбэтэр Оҕо айымньытын дыбарыаһыгар бэйэҕит кэлэн суруттарыаххытын сөп: Киров уул., 20.

Билсэр төл: 8(4112) 21-95-11.