Босхо диспансеризацияны куоттарымаҥ

Маннык чинчийии ыарыыны эрдэ буларга, доруобуйа туругун быһаартарарга уонна көхтөөх уһун үйэлэнэргэ көмөлөһөр.

Диспансеризация бырагырааматыгар ханнык чинчийиилэр киирэллэрий?

- терапевт быраас консультацията, толору медицинскэй көрүү;

- лаборатория анаалыстара (холестерин уонна глюкоза таһыма), электрокардиограмма;

- глаукоманы сэрэтэр сыалтан харах дабылыанньатын кээмэйдээһин;

- эр дьоҥҥо уонна дьахталларга саастарынан онкоскрининнэр (маммография, ПСА-тест, хойууга хаан баарын-суоҕун быһаарар анаалыс).

Чинчийии түмүгүнэн мөкү уларыйыы баара билиннэҕинэ, иккис түһүмэххэ ыыталлар – онно моой уонна атах тымырдарын УЗИ-нан көрүү, ону тэҥэ невролог, хирург, офтальмолог курдук исписэлиистэр консультациялара киирэр.

Диспансеризацияҕа «Госуслуги» портал, поликлиника регистратуратын эбэтэр страховкалаах медицинскэй тэрилтэҕит нөҥүө суруйтарыаххытын сөп.