"Боотур" хамаанда Арассыыйаҕа бастаата

Саха сирин хамаандата «ВОИН» Киин 18 салаатыттан бастыҥынан ааттанна. Иккис миэстэни Волгоград, үһүс миэстэни Татарстан ыллылар. Курсааннар кыраҕы харахтаахтарын, сатабыллаах тактикалаахтарын уонна дьиҥнээх сомоҕолоһуулаахтарын күрэхтэһии кыттыылаахтара бэлиэтээтилэр.

Ону тэҥэ «Боотур» хамаанда Волгоград куоракка II-с Бүтүн Арассыыйатааҕы байыаннай-тактическай «Путь ВОИНа» күрэхтэһии сүүмэрдиир түһүмэҕэр кытынна. Арассыыйа 18 регионуттан 200-тэн тахса курсаан биэс килэмиэтирдээх мэһэйдээх маршруту ааста.

Күрэхтэһии түмүгүнэн «Боотур» дойду бастыҥ уон хамаандатын иһигэр киирдэ. Курсааннар биэс килэмиэтирдээх мэһэйдээх маршруту 1 чаас 25 мүнүүтэнэн аастылар, уопсай түмүккэ 9-с миэстэни ыллылар.

Күрэхтэһии бырагырааматыгар «ВОИН» Кииҥҥэ бэлэмнэнии бары хайысхаларынан 15 түһүмэхтээх буолла.

Бу күрэхтэһиилэр вице-премьер, РФ Бэрэсидьиэнин Уһук Илиҥҥи федеральнай уокуругар боломуочуйалаах бэрэстэбиитэлэ, «ВОИН» Киин Сэбиэтин бэрэссэдээтэлэ Юрий Трутнев көҕүлээһининэн ыытыллаллар.