«Боотур» этэрээт историятын сэһэргиир быыстапканы көтүтүмэҥ

Көрдөрүүгэ аатырбыт этэрээт эр санаалаах байыастарын уонна бэтэрээннэрин докумуоннара, туттар маллара, трофейдара, хаартыскалара уонна биидьийэлэрэ турда. 

Быыстапканы «Боотур» үөрэх киинэ көҕүлээһининэн Саха сиригэр анал байыаннай дьайыы кыттыылаахтарыгар уонна кинилэр дьиэ кэргэттэригэр көмө оҥорор Киин уонна «За Отечество» диэн  бойобуой дьайыылар бэтэрээннэрин өрөспүүбүлүкэтээҕи ассоциацията тэрийдилэр.  

Экспозиция үс тиэмэни көрдөрөр:

- этэрээт тэриллибит историята; 

-бойобуой үлэ хайысхалара; 

-батальон хамандыырдара.  

«БАРС-2 «Боотур»: Боевой путь в зоне специальной военной операции» быыстапка кулун тутар ый бүтүөр диэри үлэлиэҕэ. Киириитэ босхо.