Больничнай туһунан тугу билиэххэ?

Дьэ, ол туох эбитий?

Хамнас алын кээмэйэ (МРОТ) Арассыыйа үрдүнэн улаатта. Оттон бу кээмэй итиннэ олоҕуран ааҕыллар босуобуйаларга быһаччы дьайарын санаппыт. Ону сэргэ больничнай ааҕыллыытыгар бу сылтан бэлиэ уларыйыы киирбит эбит.

«Өскөтүн үлэһит кэнники сыл аҥаарыгар түөртэ уонна онтон элбэхтэ  больничнай ылбыт буоллаҕына, кэлэр сырыыга киниэхэ баара эрэ 5 күн устата больничнай бэриллэр. Итинтэн салгыы уһатар быһаарыыны быраас соҕотоҕун ылынар бырааба суох. Быраас хамыыһыйатыгар ыытар. Ол хамыыһыйа гражданин туох төрүөттэн сотору-сотору ыарытыйар буолбутун быһаарыах тустаах”, – диэбит экспиэр.

Доцент бэйэ дьарыктаахтар  баҕа өттүлэринэн СФР-га страховой төлүүр түгэннэригэр ТК-нан үлэлээччилэр курдук больничнай ылар кыахтаммыттарын да тумнубатах. Бу маннык дьаһаныы билиҥҥитэ эспэримиэн быһыытынан олоххо киирэр. Табыгастааҕа билиннэҕинэ, арааһа, олоччу да киллэрэллэрэ буолуо диэн сабаҕалыахха сөп.

Бу иннинэ РФ Доруобуйа харыстабылын министиэристибэтэ  дьаҥнаабыт (грипп) киһи эмтэнэн үтүөрэр кэмин  9 күнүнэн быһаарбыт. Ол эбэтэр, саҥа стандарт олохтоммут. Аны быйылгыттан саҕалаан, дьаҥнаабыта сабаҕаланар киһи эмтэниэн иннинэ туттарыахтаах анаалыстарын кэрискэтигэр  27 көрүҥ киирбит. Быһата, чэгиэн буолуохха наада эбит.