Болкуоҥҥун тахсан көр, эргэ миэбэллээх буоллаххына – бырах!

Эргэ маллар чэпчэкитик умайаллар, холобур, табах умулларыллыбатах тобоҕуттан. Ону таһынан, элбэх маллаах болкуон баһаарынай люктарга уонна кирилиэстэргэ киириигэ ыарахаттары үөскэтэр. Баһаартан куттал суох буолуутун быраабылатын кэһии иһин РФ КоАП РФ 20.4 ыстатыйатынан 5000-тан 15000 солкуобайга диэри ыстарааптаныахха сөп.

Болкуон элбэх кыбартыыралаах дьиэ уопсай быраабылатыгар киирэр. Тутуу нуорматыгар олоҕуран, болкуон билиитэтигэр ноҕурууска элбээбитэ биир квадратнай миэтэрэҕэ 200 киилэттэн тахсыа суохтаах. Аһара элбэх мал тутул алдьаныытыгар тириэрдиэн сөп.

Болкуоҥҥа аһара элбэх малы ууран бөҕүнэн толоруу эмиэ Арассыыйа административнай быраабы кэһии туһунан кодексын 7.21 ыстатыйатыгар олоҕуран (олорор дьиэ быраабылатын кэһии) эппиэтинэскэ тиэрдэр. Маннык түгэҥҥэ ыстараап кээмэйэ 1000 солкуобайтан 1500 солкуобайга диэри буолар. Оттон бэлисипиэти, хайыһары, дьиэ үүнээйитин уонна сынньанарга аналлаах миэбэли болкуоҥҥа ууруохха сөп диэн бэлиэтииллэр.