Болҕой – сөмөлүөтүнэн көтүүгэ саҥа быраабыла

Атыылаһыллыбыт билиэти төннөрөн баран, сыанатын толору ылары кэрэһилиир төрүөттэр чопчуламмыттар. Ол курдук, пассажир, билиэтин төнүннэрэн баран, харчытын толору ылар бырааптаах, өскөтүн:

* Көтүөхтээх эриэйсэтэ чаас аҥаарыттын (30 мүн.) уһун кэмҥэ тардыллыбыт түгэнигэр;

* Көтөр аал билиэккэ ыйыллыбыт бириэмэттэн  эрдэ көппүт буоллаҕына;

* Чугас аймах ыарыйдаҕына (билигин “пассажир дьиэ кэргэнин киһитэ эрэ ыарыйдаҕына” төннөрүөххэ сөп буоллаҕына, аймах испииһэгэ кэҥээн биэрбит).

* Авиахампаанньа үлэһитэ билиэти толороругар сыһаны-алҕаһы түһэрбит буоллаҕына;

 Ыаллар уонна кинилэр оҕолоро

Бу дьыл кулун тутарыттан саҕалаан, авиахампаанньалар 12 сааһыгар диэри оҕоҕо уонна кини төрөппүттэригэр сэргэстэһэ турар олбохтору эбии төлөбүрү ирдээбэккэ эрэ биэрэллэрэ олохтонно.  

Эриэйсэ тардыллар эбэтэр уонна бириэмэтэ көһөр түгэнигэр

Авто-иһитиннэрии: Көтөр аалынан дьону таһар тэрилтэ эриэйсэ көһөр эбэтэр тардыллар түгэнигэр  пассажирга смс-ынан эбэтэр электроннай почтатыгар уведомление ыытар эбээһинэстээҕин билэҕит. Ону ааһан, саҥа быраабылаҕа олоҕуран, тардыллар, эриэйсэ көһөр буоллаҕына, пассажир босхо уунан, итии аһылыгынан уонна гостиницаҕа босхо миэстэнэн хааччыллар бырааптааҕын чопчу биллэриэхтээх. Ол аата, кулун тутартан саҕалаан, эриэйсэтэ тардыллыбыт, уларыйбыт киһи ити боппуруостары быһаартарар туһугар, бэрэстэбиитэли көрдөөн,  аэропорду биир гына сүүрэкэлиир кыһалҕаттан быыһанар. Иһитиннэрии күүттэриитэ суох кэлиэхтээх.

Таһаҕаһы (багаж) төнүннэрии:

Көтүөхтээх эриэйсэҥ барбат, уларыйар түгэнигэр, багааһы тардыллыыта суох төнүннэриэхтээхтэр эбэтэр ханна тиийэн ылыахха сөбүн сиһилии быһааран биэриэхтээхтэр. Уһун-киэҥ кэтэһиннэрии, ханна барбыта быһаарыллан быстыбата диэн суох буолуохтаах. 

Арай хойутаан кэллэххэ?

Көтүөхтээх эриэйсэҕэр хойутаан кэлбиккин. Бу түбэлтэҕэ “чэпчэтиилээх түннүк”өҥөтүн туһаныахха сөп.  Куоттарбыт эриэйсиҥ көппүтэ 2 чаас иһинэн  хайаан да авиахампаанньаҕа ол туһунан биллэрэ охсуохтааххын уонна төннөр билиэккин бронньатыах тустааххын. Бу иннинэ көтүөхтээх эриэйсэҕэр хойутаатыҥ да, төннөр билиэтиҥ эмиэ быһа сотуллар дьылҕалааҕа. 

Комфорт уонна таһаҕас

Илии тутуура: хамсаналлара хааччахтаах (маломобильнай) дьоҥҥо ананар протеһы, кырачаан  оҕоҕо көрүллэр  тэрили бохсо илдьэ барар быраап  чопчуланан биэрбит. 

Сыыппараҕа көһүү:

Электроннай посадочнай толуон кулун тутартан кумааҕы посадочнайы кытта тэҥ суолталаах, биир дьайыылаах буолара ситиһиллибит. Урут кумааҕы толуону сүтэримээри, ол мучумаана буолааччы.