БКЭ-ни туттарыы сыл аайы тупсар иһэр

БКЭ орто баала сыллата үрдээн иһэр – сыл аайы ортотунан 2 баал эбиллэр.

Оскуоланы бүтэрээччилэр математикаҕа ылар бааллара биэс сыл иһигэр 4,3 улааппыт, быйылгы көрдөрүү 9,5 баалынан тупсубут.

Физикаҕа былырыыҥҥытааҕар 4,7 баалынан үрдээбит. 5 сыл иһигэр – 12,6 баалынан тупсубут.

Биология былырыыҥҥытааҕар 3,5 баалынан тупсубут, 5 сыл иһигэр – 7,8 баал эппиттэр.

Биир кэлим эксээмэн 25 сыллаах историятыгар буолбатах түгэн – Москва үөрэнээччитэ Екатерина Малкова биэс эксээмэни 100 баалга туттаран, 500 баалы ылбыта буолла.

Маны тэҥэ 8 оҕо 400 баалы ылла.

76 выпускник 23 регионтан 300 баалы ыллылар.

Икки эксээмэҥҥэ 100 баалы ылбыт оҕо ахсаана 933 (77 регионтан) буолбут.

География уонна биология олимпиадатыгар  12 мэтээл ылбыттар, ол иһигэр 10 кыһыл көмүһү. “Талант и успех” пуонда ыытар олимпиадатын кыайыылаахтарын 98 бырыһыана Арассыыйаҕа баар үрдүк үөрэх кыһаларын талаллар.

Арассыыйа үрдүнэн колледжтарга туттарсар оҕо ахсаана 30 тыһыынчанан элбээбит. Колледжтарга уопсайа 880 тыһ. миэстэ бүддьүөттэн үбүлэнэр, олортон 58 % – тэхиньиичэскэй идэлэр.

Орто үөрэх кыһаларыгар биир миэстэҕэ ортотунан 2 киһи куонкурустаһар буолла. “Профессионалитет” хайысхатыгар биир миэстэҕэ 4-5 киһи күрэстэһэр.

***

Статистика көрдөрөрүнэн, быйылгы выпускниктар ордук программирование, машиностроение, медицина уонна тутуу эйгэтин талаллар. Бу хайысхаларынан үлэҕэ ылыы кэнники биэс сыл устата 58-тан 80 бырыһыаҥҥа тиийбит.