Билим уонна ускуустуба тылынан: сөкү, чоокура, укаарыскай, лоһуор...

ХИФУ Ботаническай саада, СӨ Национальнай бибилэтиэкэтэ уонна СӨ Национальнай художественнай түмэлэ «ArteBotanica: флора в изобразительном искусстве» диэн кыттыгас бырайыактара итинник сыаллаах-соруктаах олоххо киирбит. Бу бэрт сэргэх быыстапка СӨ Национальнай бибилэтиэкэтигэр турар.

Манна, холобур, саха норуодунай худуоһунньуга Афанасий Осипов «Народные писатели Якутии», Мария Рахлеева «Качели»,Андрей Чикачев «Одуванчики. Три грации» болотуналарын көрүөххэ сөп.

«Киин куорат» кэрэспэдьиэнин хараҕа бу үлэлэргэ үйэтитиллибит үүнээйилэр сахалыы ааттарыгар хатанна. Төрөөбүт тыл, сурук-бичик күнүгэр онтон соччо тарҕамматахтары талан, ааҕааччыларбытыгар холобурдуубут.

Петр Карсанаев «Тебенёвка в зимнюю стужу» хартыынатыттан:

Бурачок – тууйакаан

Камнеломка – таастыйа

Горноколосник – ынах омур

Вероника седая – лоһуор

Тимьян эбэтэр чабрец – боҕуруоскай от

Виктор Петров «Осень в Дойдунцах» хартыынатыттан:

Полевица гигантская – укаарыскай

Лисохвост равный – кулун кутуруга

Бекмания – чоокура

Вейник лапландский – сөкү

Мятлик болотный – бэттиэмэ

Калужница болотная – кулун туйаҕа

Мария Рахлеева «Качели» хартыынатыттан:

Одуванчик рогатый эбэтэр рогоносный – муостаах ньээм от

Овсяница – көҥдөй от

Бу үлэлэргэ бачча элбэх үүнээйи баарын үгүстэр өйдөөн көрбөтөх буолуохпутун сөп. Уруккуттан билэр хартыыналарбытын атын харахпытынан көрдүбүт, билиибитин хаҥаттыбыт.