Бүгүҥҥүттэн биир кэлим босуобуйаны анатыыга уларыйыы киирдэ

Биир кэлим босуобуйаны олох алын таһымыттан кыра кээмэйдээх дохуоттаах дьиэ кэргэҥҥэ аныыллар. Өссө биир ирдэбил – дохуот хамнас алын таһымын аҕыс гыммыттан кыра буолуохтаах. Ол аата 2026 сылга босуобуйа суоттанар кэмигэр дохуот 216744 солкуобайтан улааппатах буоллаҕына хапсаҕыт.  Маныаха хамнас, бизнестэн киирэр барыс, быстах кэмҥэ ылыллар босуобуйалар бары суумаланаллар.

От ыйын 21 күнүттэн саҥа быраабылалар киирдилэр. Элбэх оҕолоох дьиэ кэргэҥҥэ биир төрөппүт үлэтэ суох буолуон сөп биричиинэтэ эбилиннэ: төрөппүт ыарыһах оҕону, аҕам саастаах аймаҕын, бииргэ төрөөбүтүн, сиэнин көрөн үлэтэ суох буолуон сөп. Аймахтыы буоларгытын докумуоннарынан бигэргэтиэхтээххит.

Социальнай пуонда көрүүгэ наадыйар ыарыһаҕы кытта чахчы бииргэ олороргутун, кинини көрөргүтүн, харайаргытын бэрэбиэркэлиир. Сиһилии килийиэннэри кытта үлэлиир сулууспалартан билсиэххэ сөп. Килийиэннэри кытта үлэлиир сулууспалар аадырыстара: https://sfr.gov.ru/contacts/ks/