Биир күн Өлүөнэ очуостарыгар

Дьэ, доҕор, очуостарга тахсар былааннаах киһи манна эрдэттэн суруттарара уонна айанныыра ордук эбит. Аҥаардас Дьокуускайтан 4-5 чааһынан тиийэргин суоттанаҕын. Аны туран 14.30 чаас кэнниттэн үөһэ тахсар бобуулаах. Халлааммыт билигин 16.30 чаас кэннэ номнуо хараҥарар. Очуоска дабайыы төлөбүрдээх, оҕолорго, биэнсийэлээхтэргэ, анал байыаннай дьайыы кыттыылаахтарыгар чэпчэтиилээх. Быһа холоон үөһэ тахсыы уонна төттөрү түһүү икки-үс чааһы ыларын эмиэ суоттанар ордук. Биһиги Батамайга «Өлүөнэ очуостара» туристическай комплекска тиийиибитигэр киһи олус элбэх этэ. Ордук дьиэ кэргэнинэн сынньанааччы үгүс. Ол иһигэр өрөспүүбүлүкэ тас өттүттэн туристар бааллар. Батамайтан очуостарга өрүс уҥуор барарга түөртүү, алталыы киһини тиэйэр сыарҕалаах бураннар сылдьаллар. Манна ыраас салгыҥҥа кэлэн хайыһардыахха, балыктыахха, баанньыктаныахха эмиэ сөп эбит. Ону таһынан ыалдьыт дьиэтигэр хонон-өрөөн сытан, сарсыардааҥҥы ыраас салгыҥҥа скандинавскай хаамыыны кытта боруобалыахха сөп. Тото-хана аһатар кафеҕа комплекснай эбиэттэн саҕалаан талбыт аскын эрдэттэн сакаастаан, бириэмэҕин биллэрдик кэмчилиэххэ сөп.

Онон Өлүөнэ очуостарыгар барар былааннаах буоллаххытына, күндү ааҕааччыбыт, бириэмэҕин туһалаахтык атаарар сыалтан эрдэттэн айанныыргар сүбэлиибит.