Биэс сыл иһигэр 53 оскуола, 29 уһуйаан тутуллубут

Национальнай бырайыактары олоххо киллэрии чэрчитинэн Саха сиригэр кэнники биэс сыл устата 53 оскуола, 29 оҕо уһуйаана тутуллубут, 120 оскуола өрөмүөннэммит, ол иһигэр: 83 оскуола тыа сиригэр уонна 28 – Арктика улуустарыгар. 40 тыһыынчаттан тахса оскуола үөрэнээччитэ үөрэнэр усулуобуйата тупсубут. Билигин ураты болҕомто “Точка будущего” уһуйааннаах, орто оскуолалаах адаптивнай комплекска ууруллар, саҥа оскуола балаҕан ыйыттан үлэтин саҕалыахтаах. Ол туһунан СӨ Бырабыыталыстыбатын бэрэссэдээтэлэин солбуйааччы Анатолий Семенов федеральнай СМИ-лэр суруналыыстарыгар кэпсээтэ.

Федеральнай пресс-тур сүрүн сыала – Уһук Илин тэтимнээх сайдыытын билиһиннэрии, Арассыыйа уонна регион былаастарын үлэлэрин сырдатыы. Дойду суруналыыстара уонна блогердара Саха сирин промышленнай бырайыактарын, социальнай тутууларын көрүөхтэрэ-истиэхтэрэ.