Биэнсийэлээхтэргэ “сиэннэргэ анаан” харчы биэрэргэ этэллэр

Бу көҕүлээһини дьокутаат Сергей Миронов уонна Госдуума гражданскай уопсастыбаны, уопсастыбаннай уонна итэҕэл түмсүүлэрин боппуруостарын сайыннарыыга кэмитиэтин салайааччыта Яна Лантратова киллэрдилэр. Ыҥырыы Арассыыйа култуураҕа миниистирэ Ольга Любимоваҕа ыытылынна.

6-тан 13-гэр диэри саастаах сиэннэрдээх, 55-тэн үөһээ саастаах дьахталларга уонна 60-тан үөһээ саастаах эр дьоҥҥо харчыны анал каартаҕа көһөрөргө этэллэр. Бу үбүнэн сиэннэрин мусуойдарга, тыйаатырдарга, циркэҕэ, планетарийдарга, зоопаркаларга, кэнсиэрдэргэ сырытыннарыахтарын сөп.

Миронов бырайыагы пилотнай регионнартан саҕалыыры туруоруста. Кини хамсааһыны бастаан дьон-сэргэ ылынарын сыаналыахха наада диэтэ.