03.02.2024 | 10:00

Бэйэ киэнэ ордук!

Бэйэ киэнэ ордук!
Ааптар: Наталья КЫЧКИНА
Бөлөххө киир

Былырыын Дьокуускайга санаторийга сыттахпына, саастаах эбээлэр этэллэр: “Биһиги үс дьүөгэлиилэр сыл аайы санаторийдары кэрийэн эмтэнэбит, сынньанабыт. Аны атын куораттарга, соҕуруу барбаппыт. Манна, дойдубутугар, быдан ордук, этэргэ дылы, бэйэбит бадарааммыт, тууспут, салгыммыт. Үлэһиттэр үгүстэрэ бэйэбит оҕолорбут, аламаҕайдара, кыһамньылара. Соҕуруу бардахха, үп-харчы да элбэх барар, уонна тиийбитиҥ кэннэ араас биричиинэнэн сорох процедураларга олох көҥүллээбэттэр, онон толору төлөөн баран аҥаарын эрэ эмтэнэн кэлэҕин”.

Бу олус сөпкө этэллэр дии санаабытым. Бэйэ аата бэйэ киэнэ. Бадарааныҥ, тууһуҥ, салгыныҥ, дьонуҥ-сэргэҥ. Ол эрээри диэхпин баҕарабын, элбэх киһиттэн да иһиттим, “Хоту”, “Сосновый бор” курдук санаторийдар сабыллан туралларын сөргүтэллэрэ, уонна уопсайынан атын санаторийдар сыаналарын түһэрэллэрэ буоллар диэн санаа баар. Бэйэбит нэһилиэнньэбит доруобуйатын туһугар кыһаллыы ол буолуо этэ.

Бүгүн Дьокуускайга баар, үлэлии турар үс чэбдигирдэр санаторий туһунан ааҕааччыларбар билиһиннэриэм.

«Чэбдик» санаторий, Сэргэлээх шоссетын 12 км

Билсэр төлөпүөҥҥүт: 7(4112)36-92-20.

Төлөбүрэ сууккаҕа 4350 солкуобай, билигин 7 бырыһыаннаах чэпчэтии аахсыйата буола турар дииллэр.

60 сааскын ааспыт, ханна да үлэлээбэт буоллаххына, олорор сиргинэн Социальнай көмүскэл управлениетыгар баран сайабылыанньа суруйдаххына, 3 сылга биирдэ төлөбүрүҥ 80 бырыһыанын төттөрү төлүүллэр, ол туһунан биһиги хаһыаппыт суруйан турар.

Күнүс 12:00 ч. диэри киллэрэллэр, тахсыы 10:00 ч. диэри.

Сабыылаах бассейн: Төлөбүр иһигэр киирэр.

Аһылыга: Күҥҥэ 4-тэ анал менюнан.

Уунан хааччыйыы: Итии, тымныы уу – суукканы эргиччи.

Оҕолор: хас баҕарар саастарыттан киирэллэр.

 Оҕолорго анаан:

оҕо балаһаакката;

оонньуур хос.

 Процедуралары санаторий бырааһа бастакы күнтэн аныыр, бэйэҥ туохха баҕараргын этиэххин сөп.

Санаторийга эмтэниллэр ыарыылар: гинекология, ньиэрбэ систиэмэтин кэһиллиитэ, сүһүөх ыарыылара, тыынар уорганнар, сүрэх-тымыр систиэмэтэ.

Санаторнай-курортнай каартаны эрдэ толотторон баран кэлэҕин.

Абырал санаторий, Сэргэлээх шоссетын 11 км

Билсэр төлөпүөҥҥүт: 8(4112)36-92-61, 8984-112-35-22

Төлөбүрэ сууккаҕа 4.500 солкуобай, кырата 7 күн сытаҕын.

Процедуралар төлөбүр иһигэр киирэллэр, арай терапевт анаабыт укуола, систиэмэтэ бэйэҥ атыыластаххына оҥоһуллар, иһэр таблеткаҕын эмиэ илдьэ киирэҕин.

Булгуччулаах медицинскэй страховканан босхо киириигэ суруттарыы күһүн эрэ баар.

 Парковка: Төлөбүр иһигэр киирэр, аһаҕас, харабылланар.

 WI-FI: Төлөбүр иһигэр киирэр, санаторий иһигэр барытыгар хабар.

 Аһылыга: Күҥҥэ 4-тэ анал менюнан, диабеттаахтар 5-тэ аһыыллар.

 Уунан хаччыйыы: Итии, тымныы уу – суукканы эргиччи.

 Оҕолор: 7 саастарыгар диэри киирэллэрэ көҥүл.

Санаторийга эмтэниллэр ыарыылар: Covid-19, гинекология, тирии ыарыылара, ЛОР уорганнар, ньиэрбэ систиэмэтэ, сүһүөх ыарыылара, тыынар, ас буһарар уорганнар, сүрэх-тымыр систиэмэтэ.

Санаторнай-курортнай каартаны булгуччу илдьэ кэлэҕит.

Инбэлииттэри реабилитациялыыр өрөспүүбүлүкэтээҕи комплекснай социальнай-чэбдигирдэр киин

Рихард Зорге уулуссата, 2

Билсэр төлөпүөҥҥүт: 44-90-50.

Үлэ бэтэрээннэрэ Социальнай көмүскэл управлениетыгар баран уочаракка суруйтаран босхо киириэхтэрин сөп, ол гынан уочарат бытааннык сыҕарыйар диэтилэр.

Төлөбүрэ сууккаҕа 3 848 солкуобай, үлэ бэтэрээннэригэр чэпчэтиилээх – 2 300 солкуобай.

Киин бэйэлэрин кыһалҕаларынан атын дьон көмөтүгэр наадыйар ыарыһахтарга реабилитациянан көмөлөһөр. Маны таһынан СВО сылдьыбыт уолаттар, кини дьиэ кэргэннэрэ киирэн реабилитация ааһыахтарын сөп.

Күҥҥэ 4-тэ аһаталлар, диабеттаахтар 5-тэ аһыыллар.

Манна ортопед, невролог, логопед, дефектолог, психотерапевт, психиатр, инфекционист, терапевт, кардиолог быраастар, психолог үлэлииллэр.

Санаторийдарга барыларыгар сынньанар киэһэлэр, куорат тыйаатырдарыгар, музейдарыгар сылдьыы, араас тэрээһиннэр ыытыллаллар, өрөспүүбүлүкэ биллиилээх дьонун, артыыстары кытта көрсүһүүлэр тэриллэллэр.

60 саастарын ааспыт үлэ бэтэрээннэрэ санаторнай-курортнай эмтэниигэ направление ылалларыгар туох нааданый?

1. Сайабылыанньа

2. Пааспар (дьиҥнээҕэ, куоппуйата)

3. Бэтэрээн буоларын туоһулуур дастабырыанньа (дьиҥнээҕэ, куоппуйата)

4. Эмтиир бырааһыттан ыспыраапка (форма 070 – у)

 

Сайабылыанньаны СӨ судаарыстыбаннай уонна муниципальнай өҥөлөрү оҥорор портал нөҥүө биэриэххэ сөп.

Үлэ бэтэрээннэригэр санаторнай-курортнай эмтэниигэ сылдьыбыт харчыларын компенсациялааһын.

Ороскуоттарын компенсациялааһын, СӨ баар санаторийдарга эмтэммит буоллаҕына, путевка сууматыттан 80% төлөнөр.

 

Ирдэниллэр докумуоннар:

1) тус сайабылыанньата;

2) пааспар, үлэ бэтэрээнэ буоларын туоһулуур дастабырыанньа, санаторнай-курортнай каарта, баан счетун дааннайдарын куоппуйата;

3) каасса чегын дьиҥнээҕэ, путевка дьиҥнээҕэ, ону таһынан Саха сиригэр санаторнай эмтэниини барбытын бигэргэтэр докумуоннар.

Биир ый иһинэн оҥоһуллар.

Сонуннар

Ордук ааҕаллар

Замполит Александр:  «Эр санаалаах боотурдары төрөтөр Саха сиригэр сүгүрүйэбин»
Дьон | 12.07.2024 | 12:00
Замполит Александр: «Эр санаалаах боотурдары төрөтөр Саха сиригэр сүгүрүйэбин»
Бу сурук кэлбитин туһунан миэхэ Уус Алдан улууһун социальнай политика салаатын үлэһитэ, хаһыаппар сырдаппыт, анал байыаннай дьайыы саҕаланыаҕыттан үлэлии сылдьар Наталья Охлопкова от ыйын 3 күнүгэр эрийэн, хаһыаккар таһаарыаҥ дуо диэбитин тута сөбүлэспитим. Онон, сурук хайдах баарынан тылбаастаан, ааҕааччыларбар тиэрдиэм, Саха сирэ дьоруойдарын билиэхтээх!   “Наталья, дорообо! Мин аатым Александр. Мин...
Истиҥник санаан
Дьон | 05.07.2024 | 20:38
Истиҥник санаан
(Учууталбар Раиса Реасовна Кулаковскаяҕа ананар)
Светлана Дьяконова: «Саҥаттан ыал буолан эрэр курдукпут...»
Дьон | 04.07.2024 | 16:00
Светлана Дьяконова: «Саҥаттан ыал буолан эрэр курдукпут...»
Быйылгы халаан Хатырык нэһилиэнньэлээх пуунун олох үөйбэтэх өттүттэн ылан, олохтоохтору ууга-уокка түһэрбитин ааһан, уйулҕаларыгар да охсуу ыллылар, күн бүгүн ол содулун туоратыыга күүскэ үлэлииллэр, кэлэн ааспыт иэдээни оһоруналлар.   Светлана Васильевна Дьяконова, Хатырык олохтооҕо, биэнсийэлээх, култуура эйгэтигэр 35 сыл үлэлээн, “Култуура туйгуна” бэлиэлээх үлэ бэтэрээнэ, бүгүн ааҕааччыларга халаан иэдээнин туһунан кэпсиир:...
Хомунаалынай төлөбүр төһө үрдүүрүй?
Сонуннар | 11.07.2024 | 12:00
Хомунаалынай төлөбүр төһө үрдүүрүй?
Ый саҕаланыытыгар үгэспитинэн саҥа сокуоннары билиһиннэрэбит. От ыйыттан туох уларыйыыта киирдэ?