Бэтэрээннэргитин сэрэтиҥ!

Бастакы ньымаҕа “сүппүт наҕараадалар” киирэллэр. Түөкүттэр «Россия көрдөөһүн хамсааһыныттан» волонтердарбыт дэнэн, сураҕа суох сүппүт аймахтарын мэтээлин буллубут дииллэр. “Сыһыаны бигэргэтэр” туһугар, сиэртибэҕэ “архыыптаммыт сайт” сигэтигэр киирэн, СМС коду киллэрэригэр көрдөһөллөр. Бу массыанньыктарга Госуслуги аккаунугар киирэр кыаҕы биэрэр.

Иккис ньыма – социальнай пуондаттан эрийэллэр. Бэтэрээннэргэ ыам ыйын 9 күнүгэр диэри тус төлөбүрү эрэннэрэллэр уонна СМС коду биэрэллэригэр көрдөһөллөр, ол код, дьиҥэр, кинилэр дааннайдарын уорарга туттуллар. Ханнык да эбии төлөбүр оҥоһуллубат.

Үһүс ньыма параадка билиэттэри кытта сибээстээх. Сымыйа социальнай үлэһит трибуналарга чэпчэтиилээх миэстэлэри олох кыра суумаҕа биэрэргэ этэр, ол кэннэ, харчыларын ылаат, тилэҕэ хараарар.