Бэс ыйын 26 күнүгэр Саха сиригэр федеральнай үлэ дьаарбаҥката ыытыллыаҕа

Тэрээһин өрөспүүбүлүкэ бары муниципальнай оройуоннарын уонна Дьокуускай куораты хабыаҕа. 31 былаһаакка арыллыаҕа, онно 200-тэн тахса хампаанньа үлэ көрдөөччүлэргэ 2 000-тан тахса вакансияны билиһиннэриэҕэ. Кыттааччылар кэккэлэригэр «АЛРОСА» АХ, «НордГолд», «Полиметалл УК» ЯФ АУо, «Саханефтегазсбыт» АУо, «ЯТЭК» ПАУо, «Якутскэнерго» ПАУо, «Дьокуускайдааҕы килиэп кэмбинээтэ» АУо киирдилэр.

Бырагыраамаҕа вакансиялары билиһиннэрии, карьераны сайыннарыыга практическай маастар-кылаастар уонна трениннэр бааллар. Дьарыктаах буолуу кииннэрин эспиэрдэрэ ирдэнэр идэлэри быһаарарга уонна тус идэ маршрутун оҥорорго көмөлөһүөхтэрэ.

Тэрээһин устудьуоннарга, үөрэҕи бүтэрээччилэргэ уонна эдэр дьоҥҥо бэрт туһалаах буолуоҕа.