Бэс ыйын 1 күнүттэн биэнсийэлээхтэр 10 тыһыынча солкуобайынан элбэҕи ылыахтара

Эбии төлөбүр түөрт категория гражданнарга сыһыаннаах. Икки түгэҥҥэ сайабылыанньа уонна бигэргэтэр докумуоннар ирдэнэллэр, атыттарга Социальнай пуонда баар дааннайдарыгар олоҕуран, төлөбүрү автоматическай эрэсииминэн ааҕыахтара, диэтэ Говырин. Бу категорияларга кимнээх киирэллэрий?

1. Ыам ыйыгар 80 саастарын туолбут биэнсийэлээхтэр

Кинилэргэ страховой биэнсийэҕэ эбии төлөбүр кээмэйэ икки төгүл улаатар — 9584,69 солкуобайтан 19 169,38 солкуобайга диэри. Ону таһынан, көрүү-харайыы иһин ый аайы 1413,86 солкуобайдаах эбии төлөбүр ананар. Түмүгэр, биэнсийэ уопсай суумата 10 998,55 солкуобайынан улаатар, оттон саҥардыллыбыт суума бэс ыйыгар түһэр.

2. Ыам ыйыгар I группалаах инбэлиитинэн бастакытын бигэргэммит биэнсийэлээхтэр

Ааҕыы механизма тэҥ: эбии төлөбүр кээмэйэ 19 169,38 солкуобайга диэри улаатар, оттон көрүү-харайыы иһин эбии төлөбүр автоматическай эрэсииминэн ананар. Саҥаттан ааҕыы медико-социальнай экспертиза дааннайдарыгар олоҕуран оҥоһуллар, бу дааннайдар Социальнай пуондаҕа быһа киирэллэр.

3. Үлэлиир кыаҕа суох, кыаммат иитимньилээх буолан, саҥаттан ааҕыы туһунан ыам ыйыгар сайабылыанньа биэрбит биэнсийэлээхтэр

Иитимньигэ киирсэллэр

18 саастарыгар диэри оҕолор;

23 саастарыгар диэри күнүскү (очнай) үөрэххэ үөрэнэр улахан дьон;

инбэлиит оҕолор;

бырааттар, балыстар, сиэннэр уонна да атын үлэлиир кыаҕа суох дьиэ кэргэн чилиэннэрэ (10 №-дээх ФЗ 400 ыст. сөп түбэһиннэрэн).

Хас биирдии иитимньи ааҕыытыгар эбии төлөбүр үс гыммыт биирэ — 3194,90 солкуобай ааҕыллар. Үс иитимньигэ диэри учуоттанар, онон муҥутуур эбии төлөбүр 9584,70 солкуобайга тиийиэн сөп. Эбии төлөбүрү ылар туһугар Социальнай пуондаҕа бигэргэтэр докумуоннардаах сайабылыанньаны биэрэр ирдэнэр.

1. Тыа сиригэр олорор, ыам ыйыгар 30 сылтан итэҕэһэ суох ыстаастаах үлэлээбэт биэнсийэлээхтэр

Эбии төлөбүр 25% үрдүүр — 2026 сылга бу ый аайы биэнсийэҕэ эбии 2396,17 солкуобайы биэрэр. Ыстаас туһунан иһитиннэрии Социальнай пуонда систиэмэтигэр баар буоллаҕына, саҥаттан ааҕыы сайабылыанньата суох оҥоһуллар. Дааннайдар суох буоллахтарына, пуондаҕа үлэ киниискэтин уонна архыып ыспыраапкаларын илдьэ тиийиллэр.