Бэҕэһээ суорума суолламмыт оҕо эдьиийэ: «Антон байыаннай буолуон баҕарар этэ...»

«Эхо столицы» уолчаан эдьиийэ Нарыйа Алексееваны кытта сибээскэ таҕыста. Нарыйа иһитиннэрбитинэн, быраата кэнэҕэһин байыаннай буолар баҕалаах кадетскай оскуолаҕа киирэри былаанныы сылдьыбыт.

«Антон оҕо эрдэҕиттэн байыаннай буолуон ыраланар этэ. Бэйэбин өйдүөхпүттэн тааҥкалары уруһуйдуу, байыаннай тиэхиньикэни кэллиэксийэлии улааппыта. Быйыл, тохсус кылаас кэнниттэн, салгыы кадетскай оскуолаҕа үөрэнэр былааннааҕа...» — диэбит Нарыйа.

Алдьархай тахсыбыт күнүгэр ыал ийэтэ сүрэҕин эпэрээссийэлэтэн балыыһаҕа сыппыт.

«Ийэбит инфаркт кэннэ кардиологияҕа сыппыта. Бэҕэһээ эпэрээссийэ оҥорбуттара. Ол иһин бу туһунан этиэхпин баҕарбатаҕым эрээри, бэйэтэ социальнай ситимнэртэн билбит этэ», — диир кыысчаан.

Ыарахан балаһыанньаҕа түбэспит Алексеевтарга түүтэх да саҕа өйөбүл наада. Үбүнэн көмөнү «На похороны» диэн бэлиэтээн Альфа-Бааҥҥа 8-999-173-42-44 нүөмэринэн Нарыйа Петровна А. аатыгар ыытыаххытын сөп.