Баттаҕы ханна чэпчэкитик кырыйтарыахха сөбүй?

«Киин куорат» соторутааҕыта куорат парикмахерскайдарын сыаналарын таһаарбыта. Онно тэҥнээтэххэ, “Үһүс көлүөнэ оскуолатыгар” чэпчэкитик кырыйтарыахха сөп эбит.

Наталья кэпсээбитинэн, манна кэрэ аҥаардар баттахтарын кырыйыы уһунуттан, кылгаһыттан тутулуга суох сыаната уларыйбат – 500  cолк., фенынан куурдуу, укладка барыта ол сыанаҕа киирэр. Оттон эр киһи баттаҕын кырыйыы – 400 солк. 

Манна кэлбит киһи баттаҕын эрэ кырыйтаран барбат, элбэх сүбэни-аманы ылар. Ол курдук, саастаах дьон баттаҕа “ыалдьар, утуйар”, түһэр, синньиир, онуоха олус элэккэй, үтүө санаалаах Наталья кэлбит дьоҥҥо, аҕам саастаахтарга баттах доруобай буоларыгар ханнык битэмииннэри иһиэхтэрин сөбүн таһынан эмтиир, сүбэлиир, массаас оҥорор. Оттон баттаҕы эрийтэрии, бүрүчүөскэ оҥоруу өҥөтө атын сыаналаах. Онуоха кырааскалааһын, эрийии барыта кырдьаҕастарга анаан сымнаһыар эмтэринэн, харыстаан оҥоһуллар.