Бастыҥ туона иһин куоластааһын саҕаланар

14 сааһын туолбут өрөспүүбүлүкэ хас биирдии олохтооҕо куоластааһыҥҥа кыттан, уопсастыбаннай эйгэни талар кыахтаах – пааркалартан уонна искибиэрдэртэн саҕалаан, кытылга, сынньанар сиргэ тиийэ. Куоластааһыҥҥа анаан dobro.ru платформаҕа волонтердар куорпустарыгар киириэххитин сөп.

2026 сылга куоластааһыҥҥа өрөспүүбүлүкэ аатыттан 35 муниципальнай тэриллии кыттыаҕа. Кинилэр истэригэр Амма, Үөһээ Бүлүү, Бүлүү, Горнай, Кэбээйи, Ленскэй, Мэҥэ Хаҥалас, Мииринэй, Муома, Нам, Ньурба, Томпо, Уус Алдан, Уус Маайа, Хаҥалас уонна Чурапчы улуустара, ону тэҥэ Дьоуускай куорат бааллар. Таларга уопсайа 70-тан тахса тупсарыы бырайыага баар.

Ол курдук, Дьокуускайга тоҕус уопсастыбаннай сир этилиннэ: Доруобуйа харыстабылын үлэһиттэрин болуоссата, “Собачье счастье” уопсастыбаннай сир, “Вечная память воинам-якутянам, павшим под г. Ржев в 1941–1943 годах” искибиэр, ДСК мкр. (1-кы түһүмэх) Сэргэлээх күөл кытыла, Сайсары уокуругар Алмазниктар искибиэрдэрин өрөмүөнэ, Щорс күөлүн кытыла (1-кы түһүмэх), "Ытык сир" паарка (2-с түһүмэх, “Дьол аартыга”), Губинскай уокурукка Речниктэр искибиэрдэрэ уонна 203-с түөлбэҕэ кытыл бырайыага. Былырыын куорат олохтоохторо 2026 сылга саҥардыыга Гагарин искибиэрин уонна Таалай күөлгэ “Обнаженные сердца” оҕо былаһааккатын тупсарыыны талбыттара.