«Бастыҥ кылаас салайааччыта-2025» куонкуруска педагогтар күрэхтэстилэр

Кылаас салайааччытын аатын үрдэтэр соруктаах Дьокуускайдааҕы 22-с №-дээх анал коррекционнай оскуолаҕа «Самый классный классный-2025» коррекционнай оскуолалар педагогтарын куораттааҕы куонкуруһа буолан ааста. Бу туһунан Дьокуускайдааҕы үөрэх управлениета тг-ханаалыгар суруйар.

Куонкурус педагог таһымын бэрэбиэркэлиир түөрт түһүмэҕинэн ыытылынна.

Кыайыылааҕынан 28 №-дээх адаптивнай интэринээт-оскуола 1А кылааһын салайааччыта Оксана Ивановна Асекритова буолла.

2-с миэстэни 2-с №-дээх 7 көрүҥнээх анал (коррекционнай) оскуола 4Б кылааһын салайааччыта Наталья Рославлевна Лазарева ылла.

3-с миэстэҕэ 4-с №-дээх анал (коррекционнай) оскуола 3Б кылааһын салайааччыта Раиса Васильевна Бубякина таҕыста.

Маны таһынан куонкуруска кыттыбыт педагогтарга анал ааттар тигистилэр.