Бастакы светофор Дьокуускайга хаһан турбутай?

Биһиги Дьокуускайбытын «олус элбэх светофордаах» куоратынан ааттыылларын үгүстүк истэбит. Оттон бастакы светофор биһиги куораппытыгар хаһан туруоруллубута буолуой?

Дьокуускай куоракка светофор диэн сырыыны сааһылыыр суол бэлиэтэ аан бастаан ааспыт үйэ 50-с сылларыгар билиҥҥинэн Ленин проспегар, оччолорго Октябрьскай уонна Аммосов уулуссалар быһа охсуһууларыгар туруоруллубут.

Аан дойдуга бастакы светофордар хаһан баар буолбуттарай?

• 1868 сыл (Лондон, Великобритания): Гааһынан үлэлиир бастакы механическай тэрил.
• 1912 сыл (Солт-Лейк-Сити, АХШ): Кыһыл уонна күөх уотунан умайар бастакы электрическэй светофор.
• 1914 сыл (Кливленд, АХШ): Бастакы аныгы электрическэй светофор.
• 1920 сыл (Детройт уонна Нью-Йорк, АХШ): Бастакы үс өҥнөөх светофор.
• 1930 сыл (Ленинград, ССРС): Сэбиэскэй Сойууска бастакы светофор.

Светофор уоттарын бастаан механическай пульт көмөтүнэн илиинэн уларытар эбиттэр. Оттон светофору бэйэтин билиҥҥи курдук остуолбаҕа иилбэккэ, ыйыыр эбиттэр.

Григорьев Н.К. 1959 сыллааҕы хаартыскатыгар: проспекка ыйаммыт бастакы светофор.