Бастакы паром ыам ыйын 24 күнүгэр айанныан сөп

Халаан уутунан балаһыанньа күннэтэ уларыйа турара өйдөнөр.

Бэлиэтээн эттэххэ, Госкомцен быйыл паромунан тимир көлөнү туоратыы саҥа тарыыптарын бигэргэттэ.

Дьокуускай — Аллараа Бэстээх паром тарыыба:

Чэпчэки уйуктаах массыыналар:
- 4,0 м диэри уһуннаах — 1 390 солк.;
- 4,01 - 4,6 м уһуннаах — 1 650 солк.;
- 4,61 - 5 м уһуннаах — 1 920 солк.;
- 5 м уһун— 2 230 солк.

Пассажирдары тиэйэр мааркалаах оптуобустар:
- 5 м диэри уһуннаах — 2 800 солк.;
- 5,01 - 9 м уһуннаах — 3 640 солк.;
-  9,01 м уһун — 5 000 солк.

Мотороллердар, матасыыкыллар — 380 солк.

Ыйыллар тарыыптары тиэйээччилэр намтатыы өттүгэр уларытар бырааптаахтар. 
Бигэргэтиллибит тарыыптары үрдэтии түгэнигэр Госкомцеҥҥа квитанция туттаран биллэриэххэ наада.

Госкомцен пресс-сулууспата иһитиннэрэринэн, тарыып кээмэйэ 2025 сылтан чэпчэки уйуктаахтарга ортотунан 12%, ыарахан уйуктаахтарга 5% үрдээбит.

Бу уларыйыы пассажирдарга сыһыана суох. Сыана оннунан хаалыаҕа: улахан киһиэхэ – 350 солк., оҕоҕо – 200 солк.

Оттон салгын олбохтоох суудуналарын пассажирдары тиэйии тарыыба бүгүҥҥүттэн, ыам ыйын 20 күнүттэн, 50% чэпчээн, 2500 тэҥнэстэ.