Бассейҥҥа бардыбыт! Эбэтэр харбааһын туһатын туһунан

 Бассейҥҥа сылдьарга тиэтэй, өскөтүн:

- Ырыаххын эбэтэр быһыыҥ-таһааҥ куруук тупсаҕай буолуон, формаҕын тута сылдьыаххын баҕараҕын. 

Дьарык кэмигэр этиҥ-сииниҥ быччыҥа барыта кэриэтэ үлэлиир, чуолаан ис, илии уонна өттүк быччыҥнара.

- Сүрэх-тымыр систиэмэтигэр кэһиллии баар буоллаҕына. 

Ууга киирдэххэ, тымыр кыарыыр, оттон таҕыстахха кэҥиир эбит. Бу хаан баттааһынын нуормаҕа түһэрэргэ көмөлөһөр.

- Сиһиҥ тоноҕоһо токуруйуулаах, уопсайынан, сиһиҥ, көхсүҥ ыалдьар.

Харбааһын сис, көҕүс, пресс быччыҥнарын бөҕөргөтөр, уу ньууругар дагадайан сылдьыы тоноҕос икки ардыларынааҕы диискэлэри ноҕуруускаттан босхолуур. 

- Варикозтанар чинчилээх буоллаххына. 

Бассейҥҥа сылдьыы хаан эргиирэ тупсарыгар көмөлөөх.

- Тыынар уорганыҥ мөлтөх. 

Дьарык кэмигэр тыҥа киэлитэ улаатар, гаас атастаһыытыгар үтүө дьайыылаах.

Маны сэргэ, бассейҥҥа сылдьыыны бириэмэни туһалаахтык атаарыы, тымныы кэмҥэ сөтүө оннугар дьарык быһыытынан эмиэ ылыныахха сөп.

Туох да диэбит иһин,  быраас санаатынан салайтарар, исписэлиис сүбэтин истэр ордук.

Чэгиэн-чэбдик буолуҥ!