Бас быстар сыаната диэтэҕиҥ!
“Айыбыын, туох ааттаах тэһэ барбыт сыанатай?! Сорох 2 мөл. солк. ылбыт кыбартыыратын кирэдьиитин 20-чэ сыл соһон төлөөрү, ыран охторо кэллэ”, – дэһии да суох буолбатах этэ.
Ону баара, киинтэн тэйиччи сытар, тымныынан аатырар Сахабыт сиригэр, чопчута, Дьокуускайга да дьиэ (кыбартыыра) сыаната халлааҥҥа кыырайан эрэр эбит!
Киэҥ тиэргэннээх, баанньык, гараас, балаҕан курдук эбии тутуулаах чааһынай дьиэлэргэ муҥутуур үрдүк сыана – күн бүгүн 66-68 мөл. солк. тиийбит! (Биидьийэни көр).
Оттон элбэх кыбартыыралаах, этээстээх дьиэлэргэ хайдах эбитий?
Холобур, 2 хостоох, 74 м2, дизайнерскай оҥоһуулаах, 2020 сыллааҕы тутуу, монолит-каркас кыбартыыра – 24 мөл. 800 тыһ. солк. атыылана турар. Ол аата, биир кв. м сыаната – 335 1358 солк.
Өссө биир 2014 сыллааҕы тутуу, 180 м2 иэннээх, 4 хостоох кыбартыыра 35 мөл. солк. атыыланар. Ол эбэтэр, биир кв м сыаната 194 тыһ. 444 солк. тэҥнэһэр.
Дьэ, хайдаҕый?
Сонуннар
Ордук ааҕаллар
