Барыта айанньыт туһугар...

Даркылаах паромугар дьон сарсыарда 04.00 чаастан уочараттаабыттар. Күнүс 14.00 чааска «Киин куорат» балаһыанньа хайдаҕын айанньыттартан ыйыталаста.

– Сарсыарда 07.00 чааска кэлбиппит даҕаны, миэстэбититтэн харыс да хамсаабакка турабыт. 04.00 чааска кэлбиттэр кытта бааллар үһү. «Саҥаны киллэрии баар буолар, накопитель элбиир үһү» диэбиттэрин, хата, төлөбүрү урукку курдук паром иһигэр буолбакка, киириигэ ылар буоллахтара диэн үөрэ истибиппит. Онтубут, нууччалыы эттэххэ, бастакы блины хомуоктаах буолла. Оруобуна бүгүҥҥү күнү кэтэһэн турбут курдук РТК саахал тахсан, төлөбүр сатаан оҥоһуллубат диэн, массыыналары киллэрбэтилэр. Аны туран, интэриниэт үлэлээтэ быһыылаах да, биир эрэ накопитель нөҥүө аһардаллар. Соторутааҕыта «икки парому кураанах ыыттыбыт» диэн кыһыылаах сонун тарҕаммыта. Уруккулуу паромҥа киллэрэн төлөбүр ылбатылар. Дьон сарсыарда Биһиги кэлбиппит сэттэ чаас буолан эрэр да, өрүспүтүн көрө иликпит.

Аны трассаҕа турар дьон чэпчэтинэр сирдэрэ суох. Инбэлиит киһини, оҕолоохтору, кырдьаҕастары көрдүбүт.

Чэ, итинник, суол аһыллыбытынан эҕэрдэ, сырыыгыт харгыһа, хаайтарыыта суох буоллун, дьоллоох айаны!