Балаҕан ыйын 30 күнэ - Арассыыйаҕа саҥа регионнар холбоспут күннэрэ

Бу бэлиэ күҥҥэ сыһыанаах тэрээһиннэр Саха сирин бары муннуктарыгар бэлиэтэниэхтэрэ. Бырааһынньык 2023 сыллаахха олохтоммута. 2022 сыллаахха Арассыыйа бэрэсидьиэнэ Владимир Путин уонна Донецкай уонна Луганскай норуодунай өрөспүүбүлүкэлэр, Запорожскай уонна Херсонскай уобаластар баһылыктара бу регионнар Арассыыйа састаабыгар киирэллэрин туһунан сөбүлэҥ түһэрсибиттэрэ.

Бүгүн Саха сирин бары оскуолаларыгар кылаас чаастара, түмэллэргэ – быыстапкалар уонна экскурсиялар буолаллар. “Патриот” ыччат киинигэр викторина уонна “Одна страна” лекция ыытыллыаҕа, “СВОими руками” үтүө санаа мастарыскыайдара тэриллэн байыаннай дьайыыга сылдьар байыастарга анаан тугу оҥоруохха сөбүн маастар-кылаастарга үөрэтиэхтэрэ. Норуоттар доҕордоһууларын дьиэтин үлэһиттэрэ 26 №-дээх оскуола оҕолоругар уруоктары ыытыахтара.

Санатан эттэххэ, саҥа регионнар холбоһуохтарыттан ыла үтүмэн үгүс үлэ ыытылынна. Саҥа социальнай эбийиэктэр, медицина тэрилтэлэрэ, сокуолалар, спортивнай тутуулар, олорор дьиэлэр, суол-иис тутулуннулар. 2023 сыллаахха Кировскайга Саха сиринээҕи офтальмология клиническай балыыһатын салаата арыллан үлэлээбитэ, Саха сирин офтальмологтара 7 тыһ. тахса катаракта эпэрээссийэтин, 30 тыһ. тахса консультацияны оҥордулар.