Балаҕан ыйын 1 күнүттэн биэлсэрдэр саҥа боломуочуйаларын туһунан кэпсээтилэр
«2026 сыл балаҕан ыйын 1 күнүттэн РФ Доруобуйа харыстабылын министиэристибэтин бирикээһинэн бигэргэммит "психиатрия-наркология" хайысханан медицинскэй көмөнү оҥоруу саҥа бэрээдэгэ күүһүгэр киирэр. Көмө дэбигистик баар буолуутугар сыһыаннаах биир суолталаах уларыйыы маннык: эмтиир тэрилтэҕэ психиатр-нарколог быраас суох буоллаҕына, бастакы медицинскэй көмөнү биэлсэр оҥоруон сөп», — диэтэ Дрожжина.
Парламентарий чопчулаабытынан, оччотугар биэлсэр дьайыыта наркологическай диспансер эбэтэр наркологическай балыыһа диспансернай отделениетын бырааһын кытта сөбүлэһиллиэхтээх. Кини этэринэн, бу ордук кыра нэһилиэнньэлээх пууннарга каадыр тиийбэт сирдэригэр пациеннарга наадалаах көмөнү түргэнник оҥорорго кыаҕы биэриэҕэ.
«Маны таһынан, бирикээс аан бастакытын, итирбит турукка медицинскэй көрүү-истии кэбиниэттэрин уонна салааларын үлэтин сиһилии сүрүннүүр: кинилэр хааччыллыыларыгар, штатнай састааптарыгар уонна үлэни тэрийиигэ биир кэлим ирдэбиллэр олохсуйаллар. Бу процедураны дойду үрдүнэн судургутук өйдөнөр уонна биир халыыпка киллэрэргэ көмөлөһүөҕэ», — диэн кини түмүктээтэ.
Сонуннар
Ордук ааҕаллар
