Балаҕан ыйын 1 күнүттэн бүддьүөт үлэһиттэрин хамнастара үрдүүр

СӨ бырабыыталыстыбата дьиҥ дохуот таһымын оннунан хаалларар сыалтан 2026 сыл балаҕан ыйын 1 күнүттэн өрөспүүбүлүкэ бүддьүөтүн атын категорияларын үлэһиттэригэр хамнастарын индексациялыыр туһунан быһаарыыны ылынна. Үрдээһин уопсайа 5,4% тэҥнэһиэҕэ уонна Арассыыйа Федерациятын бэрэсидьиэнин «муус устар ыйынааҕы» ыйаахтарыгар хабыллыбатах 42 тыһыынчаттан тахса исписэлиискэ тарҕаныаҕа. Кинилэр истэригэр баһаарынайдар, бэтэринээрдэр, агрономнар, буҕаалтырдар, экэнэмиистэр, инженердэр уонна да атын бүддьүөт тэрилтэлэрин үлэһиттэрэ киирэллэр.

Бу миэрэни олоххо киллэриигэ СӨ бүддьүөтүттэн 1,1 млрд солкуобай курдук суума көрүлүннэ. Салалта бэлиэтииринэн, бу быһаарыы квалификациялаах каадырдары өйүүргэ уонна бүддьүөт эйгэтигэр үлэлиир интэриэһи үрдэтэргэ туһуланар.